|
|
Mikaelo BRONŜTEJN
Vendrede, la 13-an de januaro 2006, 19:00, en Nurnbergo,
en la lingvolernejo AFI (Allersbergerstr. 56)
по-русски - Flugfolieto (A4)
Verkisto, poeto, tradukisto, aŭtoro de multaj kantoj, bardo, ĵurnalisto, inĝeniero – ĉio ĉi estas Mikaelo Bronŝtejn, legendo de Esperantujo, ankaŭ konata sub la pseŭdonimo „Bruna Ŝtono“. Li esperantistiĝis en 1962 kiel lernejano kaj fariĝis aktiva membro (poste ankaŭ kungvidanto) de SEJM (Sovetia Esperantista Junulara Movado). Liaj kantoj disvastiĝis en la tuta Sovetunio. Por
la esperantistoj de la tuta mondo Mikaelo Bronŝtejn estas bone konata kiel bardo,
poeto kaj verkisto, laŭreato de prestiĝa literatura premio „Antoni Grabowski“
(2003). Dum la lastaj 10 jaroj en Rusio kaj en eksterlando aperis pli ol 20
liaj libroj, inter ili originalaj romanoj kaj poemaroj, kaj ankaŭ liaj tradukoj
el Puŝkin („Poltava“, „Grafo Nulin“ ktp.), Iosif Brodskij („En la ĉambro kaj
duono“, poemoj), Arkadij kaj Boris Strugackij („Pikniko ĉe vojrando“, „Lundo
ekas sabate“, ktp.) Haveblas kompaktdiskoj kaj sonkasedoj kun kantoj de
Bronŝtejn.
Mikaelo Bronŝtejn naskiĝis en 1949, en Ukrainio,
studis en Rusio. La studoj havis du diversajn direktojn: elektro kaj ĵurnalista
metio. En 1972 li finis siajn studojn kaj diplomiĝis pri ambaŭ. Tamen li estis
aktive kunlaboranta en gazetaro nur en junaĝo, do la ĵurnalista diplomo restis
preskaŭ neuzita. Kiel inĝeniero pri elektro li laboris en diversaj postenoj en
la urbo Tiĥvin, apud Sankt-Peterburgo (Leningrado), ankaŭ en la urbo Vorkuta,
trans Polusa Cirklo. Ekde 1990, reveninte al Tiĥvin, havis oficon kiel dungita
direktoro de plastvara uzino, poste kaj ĝis nun - la saman postenon en la
firmao, konstruanta lignajn vilaojn.
La koncerto estos dulingva:
vi aŭdos kaj Esperanton kaj la rusan.
Mikaelo
Bronŝtejn
prezentos siajn kantojn kaj poemojn.
En nokto makabra, sur ŝvita kusen’
Nestiĝis eterne mordanta inkubo.
Ne gajas mi kun, sed ne povas mi sen
Kreskantaj interne radikoj de l’dubo.
Kontaktoj:Tel.: 0911-530-3943, 0172-8866-1540 (Inna)
Retpoŝto: esperanto@vorota.de
TTT: http://aspiro.vorota.de
La koncerto estas organizata kune de la klubo de bardaj kantoj "Sunfloro" kaj de la esperanto-klubo de Nurnbergo.
Aspiro, aspiro@vorota.de, +49-911-2746335; Dizajno: Andrej Struĵ
|
|